الحـــب الصــــامـــت
الحـــب الصــــامـــتيلى حبى ليكى ما يتوصف
أتكلمى كفايه خوف
حاكمه ليه على مشاعرك بالسكوت
أرحمى نفسك ونفسى
وفوقى وحسى
قلبى بيصرخ بعلو الصوت
أنا حلمى بيكى وليكى
عايش ومش هيموت
أحلفلك بكل رخيص وغالى
خيالك ما بيفارق بالى
وملامحك بتلاحقنى فى كل احلامى
ولما حلمت بيكى عشان أنام
قلت فيكى أجمل وأحلا كلام
كنت بكلمك وتكلمينى
أفهمك وتفهمينى
وأهمس فى ود نك و تسمعينى
ومن نظرات عيونى حسيتينى
وقلتلك بحبك يا عمرى وسنينى
وبعنادك من سماعها حرمتينى
كلمة بحبك نفسى تقوليهالى
بصوت عالى وتسمعينى
هزينى بيها وزلزلينى
أشبعينى وأروينى
قوليلى وأحكيلى
عن حبك عبريلى وأشجينى
وأوعدك أحس بيكى صدقينى
وأوهبك كل أشواقى وحنينى
يا دنيتى ونور عينى
بحبك وعشئك عن كل شىء يغنينى
أعطفى على حالى وأرحمينى
ومن قلبك أكتر قربينى
وأمانه عليكى ما تبعدى ولا تبعدينى
كـــلمـــــات الشــــــاعر
ممــــدوح نصــــر يمــــــــا نــــــى
ليست هناك تعليقات: